आदेश / सुमन पोखरेल
आदेशहरू त सुनिइरहिन्छ तल बसेपछि ।
दाहिने नफर्क - देब्रे नसुत।
खुकुरी साथमा राख - हतियार छेउमा नराख ।
साँझैमा सुत - मध्यरातसम्म काम गर।
झ्यालढोका खुल्लै राख - ढोकामा साँचो लगाओ ।
एकभन्दा बढी नहिँड - एक्लै नहिँड ।
आँखा खोलेर नहेर - चौबिसै घण्टा पहरा देओ ।
भोकै नबस - केही पनि नखाओ ।
कपडा नलगाओ - नाङ्गै नहिँड ।
मैले बुझ्न सकेको छैन,
आदेश दिनेले किन सोच्न सक्दैन ।
..............................
फागुन २०५५, भोजपुर
..............................
Related Posts
See Allमैले लेख्न शुरू गरेको, र तपाईँले पढ्न थाल्नुभएको अक्षरहरूको यो थुप्रो एउटा कविता हो । मैले भोलि अभिव्यक्त गर्ने, र तपाईँले मन लगाएर वा करैले, पूरा वा आधा सुन्नुहुने, अथवा सुन्दै नसुन्नुहुने शब्दहरूक