सुस्केरालाई सुसेली / सुमन पोखरेल

सुस्केरालाई सुसेली छातीको पीर हाँस्दैछु

यहाँ सहज के छ र जीवनको भीर बाँच्दैछु

आँखा चर्किए झैँ लाग्दछ ठोक्किई मुटुको चोटमा

छाती भत्किए झैँ लाग्दछ सँधै आजको सोचमा

एकैपल चैन कहाँ छ खुसी भोलीलाई साँच्दैछु

यहाँ सहज के छ र जीवनको भीर बाँच्दैछु

साहसको डिल बगाई समयले लाँदैछ

रहर कहाँ राख्नु र यो मन धमिलो हुँदैछ

जीवनका चोइटाहरू बटुलेर गाँस्दैछु

यहाँ सहज के छ र जीवनको भीर बाँच्दैछु

#Poetry #गत #समनपखरल #नपलगत #SumanPokhrel