रोक्दा पनि रोकिँदैन / सुमन पोखरेल
रोक्दा पनि रोकिँदैन हेर्न खोजे देखिँदैन
जल्ने मुटु भित्रै जल्छ बाहिर आगो पोखिँदैन
छातीभित्र छाती बाहिर यही मुटु दुखे जस्तो
डरले तर उपहासको दुनियाँसँग लुकेजस्तो
अब कुनै हेराईले यसको दुखाई रोकिँदैन
जल्ने मुटुभित्रै जल्छ बाहिर आगो पोखिँदैन
सुन्दाखेरी ठिकैजस्तो छाम्दा पनि धड्केजस्तो
तर भित्र कता कता यही मुटु चर्केजस्तो
लाख कोशिष गरे पनि बाहिरबाट बुझिँदैन
जल्ने मुटुभित्रै जल्छ बाहिर आगो पोखिँदैन
Related Posts
See Allमैले लेख्न शुरू गरेको, र तपाईँले पढ्न थाल्नुभएको अक्षरहरूको यो थुप्रो एउटा कविता हो । मैले भोलि अभिव्यक्त गर्ने, र तपाईँले मन लगाएर वा...