Search
मलाई जिन्दगी नै दुख्दछ / सुमन पोखरेल
- सुमन पोखरेल
- Sep 4, 2018
- 1 min read
मलाई जिन्दगी नै दुख्दछ,
तिमी कसरी हाँसिदिऊँ
जब एक्लोपन नै टोक्दछ,
हामी कसरी बाँचिदिऊँ
देख्दिनँ मान्छे कोही यहाँ,
यी पशुसँग मोल माग्दछु
यसलाई म के जीवन भनूँ
जो मासुसँग तौल नाप्दछु
सँधै निर्जिवताले थिच्दछ
जीवन कसरी बाँचिदिऊँ
मलाई जिन्दगी नै दुख्दछ
तिमी कसरी हाँसिदिऊँ
बुझ्दिनँ आवाज कसैको
शून्यतासँग गीत पाउँदछु
यसलाई म के यौवन भनूँ,
बाध्यतासँग मीत लाउँदछु
सँधै सम्झौताले बाँधेको
विद्रोह कसरी बाँचिदिऊँ
मलाई जिन्दगी नै दुख्दछ
तिमी कसरी हाँसिदिऊँ
Related Posts
See All
मैले लेख्न शुरू गरेको, र तपाईँले पढ्न थाल्नुभएको अक्षरहरूको यो थुप्रो एउटा कविता हो । मैले भोलि अभिव्यक्त गर्ने, र तपाईँले मन लगाएर वा...
Commentaires