मनको चरी उडी भाग्यो / सुमन पोखरेल

मनको चरी उडी भाग्यो कुन डालीमा बस्ने हो

थाह छैन यो छातीमा कुन मुटु आई पस्ने हो

कता कता छोए जस्तो कुनै नजरले मलाई

बास्ना छरिदिए जस्तो मनको फूल चलाई

टिप्ने हो कि कसैले या ओइली भुर्इँमा खस्ने हो

थाह छैन यो छातीमा कुन मुटु आई पस्ने हो

यस्तो पनि हुन्छ भन्ने थाह थिएन पहिले

लुक्न खोज्ने आँखा कहिले भाग्न खोज्ने कहिले

भाग्ने हो कि यस्तै या कसैले मायाले कस्ने हो

थाह छैन यो छातीमा कुन मुटु आई पस्ने हो

#Poetry #गत #समनपखरल #नपलगत #SumanPokhrel