Search
तिमीले हल्कै गुनगुनाई दियौ / सुमन पोखरेल
- सुमन पोखरेल
- Sep 4, 2018
- 1 min read
तिमीले हल्कै गुनगुनाई दियौ खै चोट देखिएको
गीतमा मेरो भावना हैन, रगत ‘थ्यो पोखिएको
खाएको चोट सुस्केराभित्र अटाउने थिएन
न आड थियो, न थियो आँसु, रुने केही थिएन
मुटुको रगत आँखामा आउँदा थियो त्यो रचिएको
तिमीले हल्कै गुनगुनाई दियौ खै चोट देखिएको
जीवनले मलाई मृत्युमा चढी खेदेथ्यो वेगले
उठेँथेँ लडी, साहसलाई समाई, म आफ्नै डेगले
त्यो पीडा मेरो गीतमा थियो शब्दले छेकिएको
तिमीले हल्कै गुनगुनाई दियौ खै चोट देखिएको
Related Posts
See Allमैले लेख्न शुरू गरेको, र तपाईँले पढ्न थाल्नुभएको अक्षरहरूको यो थुप्रो एउटा कविता हो । मैले भोलि अभिव्यक्त गर्ने, र तपाईँले मन लगाएर वा...