Search
जीवन के हो भनी सोधेथे मलाई / सुमन पोखरेल
- सुमन पोखरेल
- Sep 4, 2018
- 1 min read
जीवन के हो भनी सोधेथे मलाई
जवाफमा मैले तिम्रो नाम भनेँ
थिएँ म उडानमा कुनै बेहोसीको
छेके मेरो बाटो केही सुन्दर आँखाले
प्रेम के हो भन्देऊ सोधे तिनले मलाई
अरू केही देखिनँ, तिम्रो नाम भनेँ
मोक्षको यात्रामा म निस्किएँ भक्तिले
ध्यान गरी बसेथे अनेक मान्छेहरू
जप नाम ईश्वरको भने तिनले मलाई
हजार पल्ट मैले तिम्रो नाम भनेँ
Related Posts
See All
मैले लेख्न शुरू गरेको, र तपाईँले पढ्न थाल्नुभएको अक्षरहरूको यो थुप्रो एउटा कविता हो । मैले भोलि अभिव्यक्त गर्ने, र तपाईँले मन लगाएर वा...
Комментарии