कहाँ छैन र ईश्वर यो संसारमा / सुमन पोखरेल
- सुमन पोखरेल
- Sep 4, 2018
- 1 min read
कहाँ छैन र ईश्वर यो संसारमा
मेरो हर यात्रा उसकै प्रदक्षिणा
सुन्दछु म शब्द जति नै
वाणी हो सब ईश्वर कै
म जहाँ हेर्छु उसको दर्शन हो
मेरो कर्म नै उसको उपासना
छुँदछु म जे जति ठाऊँ
ढोगेको हो ईश्वरको नाऊँ
म बेहोशी मै बर्बराए पनि
हो ईश्वरको नै प्रार्थना
खाएको मैले सवैथोक नै
चढाएको हो नैवेध ईश्वरलाई
बोल्दछु जे म नित दिन
उसकै नै हो आराधना
मेरो जे छ, सबै हो ईश्वरको
यो शरीर हो मन्दिर उसैको
हृदयको धड्कन हो भक्ति गान
मेरो हरेक सास उसको बन्दना
Comentarios