प्रेम गर्ने भूलजस्तो / सुमन पोखरेल
मनभित्र एकनासले घोचे पनि शूलजस्तो
तिम्रै याद प्यारो मलाई, प्रेमको कबुलजस्तो
एक्लै हिँड्न कठीन रहेछ, बैँसालु मन बोकी
माया पनि काँडासँगै गाँसिएको फूलजस्तो
चर्चा हुन्छ हाम्रै भन्छन् आजभोलि बतासभरि
गर्दोरहेछ प्रेमले प्रचार, चौबाटाको तूलजस्तो
पहिले नै छ्यान्द्रो थियो, त्यसमाथि प्रेमको घाउ
देख्दादेख्दै जिन्दगी भो’, च्यातिएको झूलजस्तो
जीवनभरलाई पुगोस् सजाय एउटै चोटले सुमन !
भूलै गर्ने भए गर्नु प्रेम गर्ने भूलजस्तो
Related Posts
See Allमैले लेख्न शुरू गरेको, र तपाईँले पढ्न थाल्नुभएको अक्षरहरूको यो थुप्रो एउटा कविता हो । मैले भोलि अभिव्यक्त गर्ने, र तपाईँले मन लगाएर वा...