धारणा / कल्पना सिँह-चिटनिस
ऐना हेरें मैले
र संसारलाई आफ्ना आँखामा तैरिरहेको भेट्टाएँ ।
मैले विश्वको स्वादलाई
आफ्ना ओठहरूबाट ग्रहण गरें ।
आफूलाई खोज्न बाहिर निस्किएँ
र ब्रह्माण्डलाई आफैँभित्र लुकिरहेको पाएँ ।
तर आफूलाई भने त्यहाँ देखिनँ
र आश्चार्यचकित भएँ ।
एक्कासी एउटा भँगेरो आएर
मेरो निधारमा ढक्ढक्यायो,
म फुट्न थालेँ
टुसाउँदै गरेको वीजको बाहिरी पत्र झैँ...
एउटा हरियो तीखो गन्धले भिजायो मलाई ।
अनुभूत गरेँ
भर्खरै मात्र जन्मिएछु म त
जीवनप्रतिको नयाँ धारणाले भरिएर ।
.......................................................
हिन्दीबाट सुमन पोखरेलद्वारा अनूदित
…………………………………………………
Kalpna Singh-Chitnis translated into Nepali by Suman Pokhrel
……………………………………………………………………………………………...
This translation was first published in ‘The Wings’
Related Posts
See Allमैले लेख्न शुरू गरेको, र तपाईँले पढ्न थाल्नुभएको अक्षरहरूको यो थुप्रो एउटा कविता हो । मैले भोलि अभिव्यक्त गर्ने, र तपाईँले मन लगाएर वा...