त्यसरी भिजेँ / सुमन पोखरेल
तिम्रो अनुरागमा यसरी भिजेँ
कहिल्यै नओभाऊँ जसरी भिजेँ
मेरो मधुमास उनलाई के दिएँ
उनको प्रेमवर्षाले झर्झरी भिजेँ
भेट्न म पुग्दा ऊ रोइरहेकी
कतिपल्ट मनभित्रै त्यसरी भिजेँ
सम्झना छ उनका नयनमा हेरेको
होश छैन त्यो मातले कसरी भिजेँ
सकिन्न बुझाउन कसैलाई प्रेमका कुरा
नसोध म कहाँ केले के गरी भिजेँ
निदाउन दिएनन् आँखाले सुमन !
यादहरूको झरीमा रातभरि भिजेँ
Related Posts
See Allमैले लेख्न शुरू गरेको, र तपाईँले पढ्न थाल्नुभएको अक्षरहरूको यो थुप्रो एउटा कविता हो । मैले भोलि अभिव्यक्त गर्ने, र तपाईँले मन लगाएर वा...