तिब्बत \ उदय प्रकाश
तिब्बतबाट आएका
लामाहरू
घुमिरहन्छन् अचेल
मन्त्र गुन्नुनाउँदै ।
तिनका खच्चरका झुन्डहरू
बगैँचामा पस्दछन्, तर
खाँदैनन् सयपत्रीका बिरुवाहरू ।
सयपत्रीको एउटा थुङगामा
कति फूल हुन्छन्
पापा ?
तिब्बतमा बर्खा भएको बेलामा
हाम्रोमा कुन मौषम हुन्छ ?
तिब्बतमा तीन बजेको बेला
हाम्रोमा कति बजेको हुन्छ ?
तिब्बतमा
सयपत्रीका फूल
हुन्छन् कि हुँदैनन् पापा ?
लामाले शङ्ख बजाउँछन्, पापा ?
पापा, लामाहरूलाई
ओढ्ने ओढेर
अँध्यारामा
छिटोछिटो हिँड्दै गरेको देख्नु भएको छ
कहिल्यै ?
कुनै मान्छे मर्यो भने
त्यसको चिहानको वरिपरि
शिर झुकाएर
उभिन्छन् लामाहरू ।
तिनीहरू मन्त्र पढ्दैनन्
खुस्खुसाउँछन् तिनीहरू... तिब्बत
... तिब्बत ...
तिब्बत - तिब्बत
... तिब्बत - तिब्बत - तिब्बत
तिब्बत - तिब्बत ...
... तिब्बत ...
... तिब्बत - तिब्बत
तिब्बत ........
र रोइरहन्छन्
रातभरि ।
के लामा पनि
हामी जसरी नै
रुन्छन्
पापा ?
.......................................................
सुमन पोखरेलद्वारा हिन्दीबाट अनुदित
.......................................................
Related Posts
See Allحتی وقتی می چینندش او به دستهای شان تسلیم میشود اگر در پای شان بخلد خار تمام زندگی خود را به او میدهد حتی رویاها دوبار می اندیشند و نرم...