गाइरहोस् यो रात / लोपा बनर्जी
बग्दै गरेका छाया,
खुल्दै गरेका रातका कमनीय पञ्जा,
गुन्जिरहेका पदचापका मधुर ध्वनी,
जूनको प्रकाशले टाँगेका चाँदीका पुल ।
अँध्यारो जङ्गल,
रुखहरूको घना चँदुवा,
निष्पट अन्धकार,
आकृतिचित्रहरूका असित छापले
बुट्टा कोरिँदै गरेका बोक्रा ।
चम्किरहेका तारा,
सुसाइका आवाजहरू,
जून यसै गरी अडिइरहोस्,
र हामी प्रणयमा विलिन हौँ ।
.........................................................
अङ्ग्रेजीबाट सुमन पोखरेलद्वारा अनूदित
.........................................................
Lopa Banerjee translated into Nepali by Suman Pokhrel
.........................................................
Related Posts
See Allमैले लेख्न शुरू गरेको, र तपाईँले पढ्न थाल्नुभएको अक्षरहरूको यो थुप्रो एउटा कविता हो । मैले भोलि अभिव्यक्त गर्ने, र तपाईँले मन लगाएर वा...