लोकतन्त्र \ ल्याङ्ग्स्टन ह्यूज
आउँदैन लोकतन्त्र
आजै, यसै वर्ष
वा कहिल्यै पनि
यी बाध्यताले गरिएका चित्तबुझाइ र त्रासहरूका बीचबाट।
आफ्ना दुई खुट्टामाथी उभिने र
टेकेको माटालाई आफ्नो भन्ने
त्यति नै अधिकार छ मेरो
जति छ अरूहरूको।
वाक्क भैसकेँ म
पख, सब बिस्तारै ठिक हुन्छ
भन्नेहरूका कुराले।।
भोली अर्कै दिन हो,
मरिसकेपछिको स्वतन्त्रता चाहिएन मलाई
भोलिको गाँसले बाँच्न सक्दिनँ आज म ।
स्वतन्त्रता
ठूलो खाँचाले रोपिएको
एउटा भरिलो बीज हो।
यहीँ छु म पनि
स्वतन्त्रता चाहन्छु
तिम्रैजस्तै।
..........................................................
अङ्ग्रेजीबाट सुमन पोखरेलद्वारा अनुदित
..........................................................
Related Posts
See Allमैले लेख्न शुरू गरेको, र तपाईँले पढ्न थाल्नुभएको अक्षरहरूको यो थुप्रो एउटा कविता हो । मैले भोलि अभिव्यक्त गर्ने, र तपाईँले मन लगाएर वा...