झरेका पातहरू \ ज्याक प्रेभर
हामी साथ रहँदाका रमाइला दिनहरूलाई
तिमीले पनि सम्झिरहेकी होऊ भनेर
कामना गरिरहन्छु म।
कतिबिघ्न उज्यालो थियो जीवन त्यसबेला
र कति धेरै न्यानो थियो घाम, अहिलेको भन्दा।
डोकाहरूले झरेका पातहरू बटुलेर लगे।
हेर, बिर्सेको छुइनँ मैले।
डोकाहरूले झरेका पातहरू बटुलेर लगे
सम्झनाहरू र पछुतोहरू पनि लगे
हुरिहरूले तिनलाई बोकेर
अझ पर पुर्याए
विस्मृतिका चिसा रातसम्म।
हेर, मैले बिर्सेको छुइनँ
तिमीले मेरा लागि गाएको गीत
हामी दुईलाई एकैठाउँ जोडने त्यो गीत।
हामी, तिमी र म दुबै
सँगसँगै बाँच्यौँ
तिमी, जसले मलाई माया गर्र्यौ
र म, जसले तिमीलाई माया गरेँ।
तर अलग्याइदिन्छ जीवनले
मायामा जोडिएकाहरूलाई हलुकैसँग
कुनै आवाजै ननिकाली,
र मेटाइदिन्छ समुद्रले बालुवाबाट
एकसाथ हिँडेका प्रेमीहरूका पाइलाका डोबलाई।
..........................................................
सुमन पोखरेलद्वारा अङ्ग्रेजीबाट अनुदित
..........................................................
Related Posts
See Allमैले लेख्न शुरू गरेको, र तपाईँले पढ्न थाल्नुभएको अक्षरहरूको यो थुप्रो एउटा कविता हो । मैले भोलि अभिव्यक्त गर्ने, र तपाईँले मन लगाएर वा...